ألكاتراز

قصة الغرفة

جاهز تدخل النسخة التانية لسجن الكاتراز العالمي وتحاول تنقذ حياتك وحياة اللي معاك في أقل من 60 دقيقة ؟ القصة بتدور حوالين سجن الكاتراز الحقيقي، اللي اتبنى عشان يتسجن فيه أخطر وأسوأ مجرمين في العالم، وكان معزول وسط جزيرة عشان نسبة الهروب منه لا تتعدى الواحد في المليون. السجن دة قدر يهرب منه تلت مساجين، منهم المجرم جون انجلين، ولكن محدش قدر يوصلهم أو يعرف هما لسة على قيد الحياه ولا لأ. جون منسيش العذاب اللي شافه جوا السجن وقرر يعمل نسخة تانية منه عشان يختار ضحاياه ويعذبهم بأسوأ الطرق، زي ما هو قعد سنين يتعذب، لحد ما يموتوا في ايده. لو قررت تدخل، يبقى إنت بتحكم على نفسك وعلى اللي معاك بالهلاك، عشان مفيش ولا ضحية لحد إنهاردة قدرت تهرب من تحت أيد جون.